Oslo Sámi Viesu birra

Sámi viessu lea dološ jurdda. Oaivegávpot lea guhka geasuhan buotlágan sápmelaččaid, ja áiggi mielde šattai Oslos stuora ja girjás sámi álbmot. Danne bođii jurdda ahte Oslo sápmelaččat galggašeigga bargat deaivvadansaji ovttas – saji gos mii čoahkkánit ovttastallamii ja kultuvrralaš vásahusaide, ja gos sáhttiimet gávnnahit movt mii dustešit stuoragávpoga hástalusaid ja vejolašvuođaid. Lei maid dárbu sadjái gos sáhttiimet cájehit iežaimet kultuvrra earáide oaivegávpogis.

1948:s vuođđudii Norgga vuosttaš organisašuvdna sápmelaččaide Oslos: Sámi Searvi. Daid sajiid gos Sámi Searvi ájahalai, gohčoduvve muhtumin “sámiid viessun” Oslos. Máŋggasat háliidedje ahte “viessu” galggai leat bistevaš sajis, gos lei buorebut vejolašvuhta fuolahit sámiid dárbbuid.

Áiggi mielde šattai Oslos máŋggabeallásaš organisašuneallin, ja de šattai dárbu gávdnit viesu mii sáhtái čohkket buot sámeorganisašuvnnaid, ja mii lei seamma olámuttus buot sámiide – maiddai sidjiide geat eai gulle makkarge organisašuvdnii.

Juo maŋŋit 1970-logus čielggadišgohte vejolašvuođaid sámi vissui Oslos mii lei stuorit, rahpasit ja mas lei viidát doaimmat. 1980- ja 1990-logu čađa geahččaladde máŋga sámi birrasat álggahit sámi viesu. Oassin inspirašuvdnas bođii Ruonáeatnalaš viesus Københavnas.

2003:s vuođđuduvvui “Foreningen Samisk Hus i Oslo” ovttasbargun golbma sámeorganisašuvnnaid gaskkas – Oslo Sámi Searvi (NSR), Samefolkets Parti ja Samisk Sosialdemokratisk Forum (AP). Jagi maŋŋel rabai Sámi Viessu Akersgata 34:s, ovdal fárrii Schouskvartalet:ii Grünerløkkas.

2013:s rievdaduvvui “Foreningen Samisk Hus i Oslo” oasussearvái, mas Sámedikkislea 49 proseantta eaiggátoassi, ja mas báikkálaš sámeorganisašuvnnateaiggáduššat reasta oasuin. Maiddai sámeorganisašuvnnat mat formálalaččat eaileat viesu eaiggádiid, leat mielde lágideame doaimmaid viesus.

2017:s fárrii Sámi Viessu Dronningens gate:ii, gos mii ain dássážii orodit.

Odne leat Sámi Viesus golbma ossodagat: kultuvra, giella ja dearvvašvuohta. Ossodagain lagiduvvojit iešguđetlágan deaivvadansajiid ja kurssaid sihke Sámi Viesus ja ovttasbargiideamet luhtte gávpogis.

Máŋgga sámi organisašuvnnain leat doaimmaideaset viesus, ja sii lágidit sihke kurssaid, deaivvaidemiid ja kultuvrralaš fearániid.