Dearvvašvuohta
Sámi Viesu dearvvašvuođaossodat bargá nannen dihte sámi dearvvašvuođa ja sihkkarastin dihte ovttaárvosaš dearvvašvuođabálvalusaid. Mii hukset fierpmádagaid, juohkit dieđu ja máhtu ja ovdánahttit doaimmaid, mat ovddidit oadjebas ja rabas dearvvašvuođabálvalusaid sápmelaččaide Oslos.
Dearvvašvuođa-deaivvadeamit
Dearvvašvuođa-deaivvadeapmi lea čoahkkananbáiki, man vuođđun lea sámegiella ja sámi kultuvra. Deaivvadeamit lágiduvvojit oktii mánnui. Mii juohkit dieđuid áigeguovdilis dearvvašvuođatemáid birra, servvoštallat ja guoimmuhuvvot.
Deaivvadeamit ovddidit buori fysalaš ja psykalaš dearvvašvuođa, ja eastadit oktonasvuođa ja doaimmahisvuođa. Dat leat dehálaš lasáhussan almmolaš dearvvašvuođa- ja sosiálabálvalusaide ja nannet barggu oažžut ovttaárvosaš dearvvašvuođabálvalusaid sápmelaččaide. Seammás dat nannejit dearvvašvuođa, eallinárvvu ja dagahit ahte eallilan olbmot vedjet orrut ruovttus guhkit.
Jus háliidat diehtit eambbo, riŋges Lenii +47 909 54 891 dahje čáles e-poastta dán čujuhussii: lena@samiskhus.no
Sámi Dearvvašvuođafierpmádat
Máŋgga guovllus Norggas leat ásahuvvon sámi dearvvašvuođafierpmádagat, mat čatnet oktii dearvvašvuođafitnodagaid ja suohkaniid dearvvašvuođabargiid. Fierpmádagat barget sámi ovttaárvosaš ja kultursensitiiva dearvvašvuođabálvalusaid ovdii sámi pasienttaide. Sámi Viessu lea dál bargame prošeavttain ásahit dearvvašvuođafierpmádaga Osloi ja Oslo birrasii.
Dearvvašvuođa lágideamit
