SAM-1036-kursa
ons
1. april 2026 Kl. 17:30-20:30
Sted: Samisk Hus
Neste arrangement: 1. april 2026, 8. april 2026, 15. april 2026, 22. april 2026, 29. april 2026, 6. mai 2026, 13. mai 2026
(davvisámegiela joatkkakursa)
Norsk tekst lenger ned
Mii álggahit nuppi joatkkakurssa (SAM-1036) maŋŋel juovllaid, ovttasbarggus UiT:in Norgga árktalaš universitehtain.
Kurssa birra: Dás sáhtát lohkat fága birra (dárogillii)
Kurssa áiggit: Oahpahus lea Oslo Sámi viesus gaskavahkuid dii. 17.30–20.30, vuosttaš geardde gaskavahku 14.01. Maŋimuš kursabeaivi lea 13.05.
Dasa lassin kursii gullet UiT logaldallamat Teams bokte, maidda sáhtát searvat mánnodagaid dii. 9.15–11.00 ja bearjadagaid dii. 10.15–12.00. Teams-logaldallamat álget mánnodaga 12.01.
Teams-liŋka ja kursamateriálat gávdnojit UiT digitála kursalanjas. Canvas-latnjii beasat go leat ohcan ja ožžon oahpposaji UiT:s, ja go leat dieđihan kursii ja eksámenii UiT Studentweb bokte.
Dieđiheapmi: Sáddes e-poastta Kasiai: kasia@samiskhus.no jus háliidat searvat kursii.
Eksámen: SAM-1036-kurssas lea sihke čálalaš skuvlaeksámen 20.05.2026 ja njálmmálaš eksámen geassemánu vuosttaš vahkus, gaskkal 1.–5.06. Kursa addá 20 čuoggá. Jus háliidat čađahit eksámena, fertet ohcat oahpposaji UiT:i ovdal ođđajagemánu 6. beaivvi (6.01).
Oza UiT ohcanweb bokte «Enkeltemner på bachelornivå» > «9199, ikke realfag».
Sáhtát searvat kursii vaikko it váldde eksámena.
Ovdamáhttu: SAM-1031 dahje sullasaš. Jus dus ii leat SAM-1031-eksámen, muhto leat čađahan omd. SAM-1035, váldde oktavuođa Kasiai.
Dát kursa lea joatkkakursa, mii hukse SAM-1031-álgokurssa sisdollui. Ođđa fáttát leat:
- rumaš, valáštallan, dearvvašvuohta ja dovddut
- sámi mediat
- servodat, politihka, searvvit ja organisašuvnnat
Mii áigut lohkat autenttalaš teavsttaid mediain ja guldalit sámegielat TV-prográmmaid, rádiosáddagiid ja podkásttaid. Mii čállit iešguđetlágan čállosiid, sihke oanehis ja guhkebuš. Giellaoahpas mii deattuhit movt galgá sojahit ja suorggidit sániid, ja geavahit ođđa sániid ja sátnehámiid riekta. Ođđa áššit leat omd. konditionála, guvttiid- ja máŋggaidlogu imperatiiva, adjektiivvaid sojaheapmi ja veardideapmi, partihkkalat, lohkosátnegihput, ieš-pronomen jna.
Andre arrangementer
