Mii ohcat áŋgiris jođiheaddji sámi giellaguovddážii Oslos. Virgi lea 60% sturrosaš fástavirgi mas lea
vejolašvuohta lasihit virgeproseantta.
Giellaguovddáža jođiheaddji barggut ja ovddasvástádus:
Jođihit giellaguovddáža
Álggahit ja lágidit giellaoahpahusa
Ovddasvástádus ovddidit ja čađahit gielladoaimmaid
Viiddis ovttasbargu oahppobáikkiiguin/ásahusaiguin mat lágidit sámegieloahpahusa
Láhčit buori giellabirasdili
Vuolggahit ja ohcat ruđaid giellaoahpahusa/-prošeavttaid čađaheapmái
Gealbogáibádusat giellaguovddáža jođiheaddjái:
Lea čielga diehttelas gáibádus ahte Sámi giellaguovddáža jođiheaddji hupmá ja čállá
sámegiela (lulli-, julev- dahje davvisámegiela)
Relevánta alit oahppu, unnimusat 3-jagi allaskuvla-/universitehtaoahppu. Relevánta
bargohárjáneapmi sáhttá dohkkehuvvot oahppogáibádusa sadjái.
Bures dovdat sámi kultuvrra ja servodateallima.
Mii deattuhit:
Sámegielmáhtu
Persovnnalaš heivvolašvuođa
Movtta ja beroštumi bargat sámevuođa ovddas
Geabbilisvuođa ja njuovžilisvuođa barggus
Návcca jurddašit ollislaččat ja leat hutkái
Návcca árvvosmahttit ja movttiidahttit
Buriid gulahallan- ja ovttasbargonávccaid
Mii fállat:
Fásta virggi
Bálkká šiehtadusa mielde
6 mánu geahččalanáiggi
Buori guoibmás bargobirrasa
Bargobáiki lea Sámi viesus
Njuovžilis bargoáiggi
Vejolašvuođa lasihit virgeproseantta, omd. doaibmat oahpaheaddjin giellaguovddážis
Álgin, farggamusat dahje šiehtadusa mielde.
Dán virgái gáibiduvvo politiijaduođaštus ovdal álgima.
Ohccit gohččojuvvojit jearahallamii. Kánturbáiki lea Sámi viesus Oslos.
Ale sádde bargo- ja oahppoduođaštusaid dál, váldde daid mielde jus gohččojuvvot
bargojearahallamii. Mii bivdit ohcci bidjat guokte referánssa ohcamii.
Ohcciidlistu sáhttá almmuhuvvot vaikko ohcci bivdá spiehkasteami das, vrd. almm.lága § 25.
Ovdanbuvtte duođaštusaid jus bivdit daid.
Váldde áinnas oktavuođa jus háliidat eanet dieđuid virggi birra.
Ohcanáigemearri: 28.11.2022
Gulahallanolbmot:
Beaivválaš jođiheaddji Aili Guttorm. Tlf + 47 922 20 433, e-poasta: aili@samiskhus.no , dahje
stivrajođiheaddji Rune Fjellheim tlf.: +47 91 00 93 20, e-poasta: rune@fjellheim.tv
Sádde ohcama oktan CV:in: aili@samiskhus.no